تصویر

زوراور فتح دی اکھ مسکا رہی ہے
ماں گزری اک پاسے ربّ دھیا رہی ہے
کندھ اسردی جا رہی ہے

آپاں جگّ نوں کہندے ہاں ایہہ ساڈے پرکھے
کیتے پدھرے راہ جہناں سولاں ’تے ترکے
مان اسانوں آپنی ایس وراثت اتے
انانہ کرکے تردے ہاں سر کرکے اچے
اج پتہ نہیں کیوں شرم جہی آ رہی ہے
کندھ اسردی جا رہی ہے

اج ورگا اوہ دن وی انج ہی چڑھیا ہونا
تریل نے ہنجھوآں وانگ پھلاں نوں پھڑیا ہونا
جیوں جیوں قدم جاکاں کندھ ولّ پٹے ہونے
دھوڑ دے چھوٹے چھوٹے بدل اٹھے ہونے
گرد اوہ میرے گل نوں چڑدی آ رہی ہے
کندھ اسردی جا رہی ہے

اٹاں ٹھنڈیاں ٹھنڈیاں نالے گارا ٹھنڈا
تن کر دتا ہونا چنگاں سارا ٹھنڈا
گوڈے گوڈے اسری کندھ ’چ لتاں جڑیاں
شاید ویکھیاں ہون ہلا ردیاں نے پھڑیاں
بھار چیز کوئی تن میرے تے پا رہی ہے
کندھ اسردی جا رہی ہے

گھٹّ گھٹّ کے اٹاں جد چھاتی تیکر آئیاں
جسم ہلا لاچار ویکھیا ہوؤُ بھائیاں
چھاتی دے وچّ گھٹی ہوا جو تنگ ہوئےگی
گلیاں اٹاں دی اوہدے وچّ گندھ ہوئےگی
گندھ اوہ میرے سر نوں کیوں گھما رہی ہے
کندھ اسردی جا رہی ہے

گھٹیا ساہ بے ہوش گورو دے لال ہو گئے
ہن تکّ سمبھلے قاتل وی بےحال ہو گئے
دو معصوم دلاں دی دھڑکن بند ہو گئی
راج بنے ہتیارے قاتل کندھ ہو گئی
کیوں ہوئے؟ ایہہ گلّ من نوں الجھا رہی ہے
کندھ اسردی جا رہی ہے

وچّ سرہند دے دو بچیاں دیاں پئیاں لاشاں
کجھ دوری تے ماں گزری دیاں ڈھئیاں آساں
سارے جگت کھڑو کے اک دو ہنجھو کیرے
پھر آپنے کم تر پئے بھلّ کے نیلے چہرے
‘کجھ نیں ایتھے’ ماں پتّ نوں سمجھا رہی اے
کندھ اسردی جا رہی ہے

ربّ دی رضا ’چ ہندو مسلمان تے سکھ نے
جے اسدی اکھ دے وچّ سارے بندے اک نے
کیوں اتہاس سارے دا پھر ہر لال صفحہ اے
کیوں پھر ہر اک قوم دوجی دے نال خفا اے
بھلّ کے راہ دنیاں کیوں غوطے کھا رہی ہے
کندھ اسردی جا رہی ہے
کندھ اسردی جا رہی ہے۔

-سنگتار

jōrāvar phatih dī akkh muskā rahī hai
māṅ gujrī ikk pāsē rabb dhiā rahī hai
kandh usradī jā rahī hai

āpāṅ jagg nūṅ kahindē hāṅ ih sāḍē purkhē
kītē paddhrē rāh jihnāṅ sūḷāṅ ’tē turkē
māṇ asānūṅ āpṇī ēs virāsat uttē
inhāṅ karkē turdē hāṅ sir karkē uchchē
ajj patā nhīṅ kiuṅ sharam jihī ā rahī hai
kandh usradī jā rahī hai

ajj vargā uh din vī iṅj hī chaṛhiā hōṇā
trēl nē haṅjhūāṅ vāṅg phullāṅ nūṅ phaṛiā hōṇā
jiuṅ jiuṅ kadam juākāṅ kandh vall puṭṭē hōṇē
dhūṛ dē chhōṭē chhōṭē baddaḷ uṭṭhē hōṇē
garad uh mērē gaḷ nūṅ chaṛhdī ā rahī hai
kandh usradī jā rahī hai

iṭṭāṅ ṭhaṇḍīāṅ ṭhaṇḍīāṅ nāḷē gārā ṭhaṇḍā
tan kar dittā hōṇā chiṇgāṅ sārā ṭhaṇḍā
gōḍē gōḍē ussrī kandh ’ch lattāṅ jaṛīāṅ
shāid vēkhīāṅ hōṇ hilā radiāṅ nē phaṛīāṅ
bhār chīz kōī tan mērē tē pā rahī hai
kandh usradī jā rahī hai

ghuṭṭ ghuṭṭ kē iṭṭāṅ jad chhātī tīkar āīāṅ
jisam hilā lāchār vēkhiā hōū bhāīāṅ
chhātī dē vichch ghuṭṭī havā jō taṅg hōēgī
gillīāṅ iṭṭāṅ dī uhdē vichch gandh hōēgī
gandh uh mērē sir nūṅ kiuṅ ghumā rahī hai
kandh usradī jā rahī hai

ghuṭṭiā sāh bēhōsh gurū dē lāl hō gaē
huṇ takk sambhḷē kātal vī bēhāl hō gaē
dō māsūm dilāṅ dī dhaṛkaṇ band hō gaī
rāj baṇē hatiārē kātil kandh hō gaī
kiuṅ hōē? ih gall man nūṅ uḷjhā rahī hai
kandh usradī jā rahī hai

vichch sarhand dē dō bachchiāṅ dīāṅ paīāṅ ḷāshāṅ
kujh dūrī tē māṅ gujrī dīāṅ ḍhaīāṅ āsāṅ
sārē jagat khaṛō kē ikk dō haṅjhū kērē
phir āpaṇē kamm tur paē bhull kē nīlē chihrē
‘kujjh nīh ēthē’ māṅ putt nūṅ samjhā rahī ē
kandh usradī jā rahī hai

rabb dī razā ’ch hindū muslamān tē sikkh nē
jē usdī akkh dē vichch sārē bandē ikk nē
kiuṅ ithās sārē dā phir har lāl safā ē
kiuṅ phir har ikk kaum dūjī dē nāḷ ḵẖafā ē
bhull kē rāh dunīāṅ kiuṅ gōtē khā rahī hai
kandh usradī jā rahī hai
kandh usradī jā rahī hai.
-saṅgtār